Asunción, Agencia IP.- Ko árape oñeme’ẽ kuri makinária 17 tendota kuérape opavave tetãvore ñane retã rehegua.  Ko’ã ha’e ojejapo hag̃ua tape ha oipytyvõitereíta ojehasa hag̃ua upérupi.

Umi makinária ojejogua kuri peteĩteĩ tendota oikotevẽháicha, ha ko’ã ha’e tractor, kamiõ tumba, excavador, retrogrúa ha ambue. Ko’ã ojejogua Itaipu ñeipytyvõ rupi, omoĩ va’ekue US$ 20 millones.

Itaipu Moakãhára, Justo Zacarías, he’i oĩ porã umi tendota kuéra oreko hembiporurã ikatu hag̃uaicha oipytyvõ itavakuérape. Avei, oñeme’ẽ chupekuéra combustible ha ñembo’e umi mba’apohára oipurúta umi makinária.

Tetã Rembiapo ha Marandu Motenondehára, Claudia Centurión, he’i Paraguái ndorekói tape 90.000 km-pe, péva ojopy Tetã Rekuái omba’apo ojehasa porã hag̃ua umi tape. “Romba’apóta oñondive romoporãve hag̃ua umi tape”, he’i oñomongetávo Paraguay TV ndive.

La entrada Tetã Rekuái ome’ẽ makinária opaite tetãvore ñane retãme ojejapo hag̃ua tape se publicó primero en .::Agencia IP::..