Asunción, Agencia IP.- Tesãi ha Teko Porãve Motenondeha (MSPBS) ojesareko ypykuéra avarekoha oikóva táva Pozo Colorado ha Irala Fernández tetãvore Presidente Hayes rehegua.

Ko’ã mba’e oñepyrũva rupi, oñeha’arõ oipytyvõ tesãi ha teko porãve umi oikóva upérupi, ha ndojehepyme’ẽi mba’eve toñangareko porã hag̃ua mayma tetãygua taha’e ha’éva moõpa oime hikuái.

Ojejapo kuri consulta médica, vacunación, control prenatal, test rápido VIH rehegua, examen de mama, kamby PANI ñeme’ẽ ha ambue.

Upéicha, ojesareko hikuái avarekoha Colonia 96, Rodolfito, Buena Vista ha Ana Victoria, ha ohupyty hikuái 61 tapicha kuéra.

Avei, umi avarekoha LolaiKo Guazu, Lolaiko’i, Laguna Pato, Laguna Salado, Quebracho Colorado, Paisa Tempela, La India ha La Palmera ojesareko USF Memong-pe, ohupytýva 338 tapicha kuéra oikóva upérupi. Pohanohára USF rehegua, Diego Ramírez, omotenonde ko tembiapo.

Táva Irala Fernández-pe oñeipytyvõ kuri170 tapichakuéra oikóva avarekoha 12 de Junio, Carandilla, Martillo, 10 Leguas ha Palo Blanco USF Pioneros-pe. Omotenonde ko tembiapo Gloria Aquino.

La entrada Tesãi ha Teko Porãve Motenondeha oñangareko ypykuéra avarekoha Presidente Hayes-pe se publicó primero en .::Agencia IP::..