Asunción, Agencia IP.- Peteĩ marandu Tesãi ha Teko Porãve Motenondeha (Mspbs) rehegua he’i omba’apo hína hikuái ome’ẽ hag̃ua pe pohã oikotevẽva pe kuñataĩ hasýva leucemia-gui, oñemopohanóvo hína Instituto de Previsión Social-pe (IPS).

He’i hikuái omba’apo hína oñondive IPS-ndi, ha ohecha hína hikuái mba’e empresa ikatu ogueru pya’eve ambue tetãgui pe pohã pe kuñataĩ hasýva oikotevẽ.

Tesãi ha Teko Porãve Motenondeha (Mspbs) ndorekói voi pe pohã, ha avei ndorekói registro sanitario ñane retã ryepýpe. Pearã ojegueru arã ambue tetãgui.

Ha’ekuéra he’i viernes 19 de julio-pe ou chupekuéra peteĩ orden judicial ojejogua hag̃ua pe pohã. Omoañete hag̃ua pe sentencia, kuehe oñemokuaaka ojejoguataha pe pohã.

La entrada Tesãi ha Teko Porãve Motenondeha omba’apo ome’ẽ hag̃ua ipohãrã pe kuñataĩ hasýva tasyo IPS-pe se publicó primero en .::Agencia IP::..