Asunción, Agencia IP.- Ministerio de Salud Pública y Bienestar Social ome’ẽ kuri 6 máquina pyahu ojeipurúva diálisis-pe g̃uarã tasyo Villarrica-pe, ikatu hag̃uaicha oñeñatende porã ha pya’eve umi hasýva riñón-gui.

Ko’ag̃a, pe tasyo oreko hína 29 tapicha crónico hasýva ojejapóva diálisis. Ko’ã equipo pyahu rupi, ikatu oñeñatendeve 10 tapicha, ha upéicha ohupytýma 39 ikatúva ojejapoka ára ha ára mbohapy turno-pe.

Hakatu ko’ag̃a ojeguerekóma 15 equipo hemodiálisis-pe g̃uarã oikóva: 7 opytáta sálape, 1 aislado-ndi, 1 Unidad de Terapia Intensiva-pe (UTI) ha umi 6 oñeme’ẽ ramóva.

Umi equipo ojejogua Licitación Pública Nacional rupi, hérava «Adquisición de Equipos de Hemodiálisis y Sillón para Diálisis para el Instituto Nacional de Nefrología«, ha ohupyty kuri G. 1.164.000.000.

Upéicha, oñemantenéta avei pe planta otratáva y hemodiálisis-gui. Kóva ojejapo kuri LPN N.º 64/2025 ha ohupyty G. 35.570.000.

Péicha, ohupyty hína G. 1.199.570.000. Ko mba’e jejoguáva ohechauka Ministerio de Salud hembiapo omombarete hag̃ua umi servicio especializado, umi opavave tapicha oikotevẽva oñeñatende porã ha pya’eve hag̃ua.