Asunción, Agencia IP.- Umi oikóva Marina Cuépe oñepyrũ oñeme’ẽta título de propiedad. Pe acto-pe oho kuri viceministro Tetãpy Motenondeha (MI) rehegua, Oscar Pereira, ha Moakãhára Polisía rehegua tetãvore Canindeyúpe, Rafael González. Avei, mba’apohára Indert rehegua.

Mba’apohára Yvy ha Okaraygua Akãrapu’ãrã Tetã Remimoĩmby (Indert) rehegua omba’apóta ombyaty hag̃ua peteĩ la Comisión de Fomento ha ojapóta hikuái censo umi oikóva upérupi, ojejapo hag̃ua pya’eve umi titulación. Upéicha, omba’apo oñondive Tekoha ha Akãrapu’ã Katuirã Motenondeha (Mades), Registros Públicos, Catastro ha Escribanía Mayor de Gobierno, omombe’u moakãhára Indert rehegua, Francisco Ruíz Díaz.

Ko tembiapo ojejapo he’iháicha peteĩ Léi, he’íva pe yvy Marina Cue rehegua ojeipuru arã reforma agraria-rã. Kóa ohechauka tuicha mba’éva ko káso Mburuvichavetẽ Santiago Peña-pe g̃uarã.

Pe colonia oñemoformalisáta rupi, ikatúma oreko hikuái servicio público ha programa de desarrollo rural.

Umi mba’apohára omombe’u umi tapichakuéra oikóva upérupi mba’érepa oho hikuái upépe, ha ojejapo kuri peteĩ capacitación umi comisión vecinal-pe g̃uarã, ikatu hag̃uaicha oipytyvõ avei hikuái ko tembiapópe.

La entrada Oñepyrũ oñemba’apo oñeme’ẽ hag̃ua título de propiedad umi oikóva Marina Cue Canindeyúpe se publicó primero en .::Agencia IP::..