Asunción, Agencia IP.- Sy ára oúma hína, ha 1.220 ogayguakuéra oĩva 28 organización ryepýpe oĩ hína ko árape Feria de Agricultura Familiar-pe, oikóva Costanera-pe, opa peve opa mba’e. Avei, oiko hína so’o ñevende, hérava upe feria «Carnicería che Sype guarã», ha ojeikuaa ojeguerekoha upépe 9.000 kílo ivaratovéva, opa peve opa mba’e avei.

Ikatu ojejogua avei upépe kesu Paraguái, kure, kure’i, kavara ha ovecha ro’o, ryguasu kaséro, ype ha ryguasu rupi’a kaséro.

Avei avatiky, avati ku’i, kumanda pytã, eirete, manduvi, kumanda mantéka, kumanda peky, aramirõ, áho, tomáte, lokóte, mandi’o, jety, yva’a, rembiapojegua, yvoty, yvyra ha ambue.

Ko feria ojejapóva tuichaiterei oipytyvõ 1.220 ogayguakuéra oĩva 18 organización-pe oúva San Pedro, Cordillera, Caaguazú, Caazapá, Paraguarí, Alto Paraná, Central, Ñeembucú ha Misiones.

Ojeguereko avei 10 ro’o corte ivaratovéva, oikuaaka kuri Miguel Muñoz, omotenondéva empresa M&M cárnicos ha omba’apóva Regional Chákope, Asociación Rural del Paraguáiguáva.

Bóla de lómo osẽ G. 50.000 peteĩ kílo; carnaza negra ha rabadilla G. 52.000, sambarí osẽ 42.000, colita cuadril G. 58.000; peséto G. 43.000; tapa cuadril G. 69.000; carnaza de segunda G. 35.000 ha paleta vacuna G. 47.000. Avei, bife ancho G. 55.000; costilla de primera G. 36.000; costilla de segunda G. 30.000; falda G. 28.000 ha puchéro G. 14.000.

La entrada Oĩ 9.000 kílo so’o ivaratovéva Feria de Agricultura Familiar Costanera-pe se publicó primero en .::Agencia IP::..