Asunción, Agencia IP.- Ministerio de Salud oikuaaka kuri oñemba’apóitiha oñemopu’ã hag̃ua peteĩ albergue Itaugua tasyópe, ikatu hag̃uaicha umi hasýva ogayguakuéra oime porãve upépe.

Ko tembiapo ojejapo hína umi hasýva pitikiri’ĩre ha hogayguakuéra, ha oguerekóta 1.600 m². Kóva orekóta 35 koty, ikatúva oike 70 tapicha, kosína ha tenda jekaru hag̃ua, sála, ao jejohéi hag̃ua, mitã ñembosarái tenda ha korapy iporãva.

Ko albergue pyahu oñemohu’ãma 30% peve, ha orekóma fundación ha estructura. Ko’ag̃a oñemba’apo hína cerramiento ha divisoria interna-re. Upéi katu oñemoĩtama técho, oñemoikãta y, electricidad ha aire acondicionado. Oñeimo’ã ojejapopataha jasy mayo-pe ko arýgui.

Itaipu Binacional omovirume’ẽ ojejapo hag̃ua ko albergue pyahu, ohupytýva G. 9.000 millón.

Mariza Brítez hérava hína peteĩ kuñataĩ oñe’ẽva umi hasýva rehehápe, ha he’i kuri ko ñemopu’ã tuicha mba’e hesekuéra g̃uarã.

Ko’ãichagua tembiapo ojejapo he’iháicha mburuvichavetẽ Santiago Peña, oñemombarete hag̃ua tasyonguéra ha toñeñatende porãve opavave upépe.

La entrada Oñemopu’ã hína peteĩ albergue pyahu tasyo Itauguápe se publicó primero en .::Agencia IP::..