Asunción, Agencia IP.- Táva Puerto Irala oĩva tetãvore Alto Paraná-pe, oguerekótama servicio transporte fluvial rehegua, ojehasa hag̃ua Argentina-pe, ary 2024 guive.

Oĩta peteĩ balsa ohota ha outa Puerto Libertad peve, táva Misiones, tetã Argentina-pe.

Servicio transporte fluvial rehegua oñembojoaju ruta pyahu ndahi’aréi oñemopu’ãva upe tendáre, upéicha Puerto Irala orekóta conexión yvy ha ysyry umi oikóva ipype ikatúma oipuru, omomba’e guasu Tetã Rembiapo ha Marandu Motenondeha (MOPC).

Macuco Ecoaventura y Navegación S.A omboguata hína ko servicio. Ko’ãga ojejapo hína iremolcador ha ibalsarã.

Ko balsa oreko 42 metros largo ha 12 metros ancho. Ikatu ogueraha 140 yvypóra, 30 kamiõ michíva ha 6 kamiõ tuicháva. Iremolcador oreko 18 metros largo ha 6 metros ancho, oguerekóva mokõi motor Scania 520 cv-gua, he’i Edson Sigiotto, peteĩ omboguatáva Grupo Macuco.

“Viceministro Transporte rehegua guive, oñemoherakuã ojetransporta ysyry rupi. oñembohovái hína peteĩ pedido ojejapóma 30 ary guive”, he’i Patricio Ortega, Moakãhapavẽ Marina Mercante, ojoajúva Viceministerio Transporte rehegua.

La entrada Puerto Irala oguerekótama balsa ojehasa hag̃ua Argentina-pe se publicó primero en .::Agencia IP::..